A është gjallë Faton Hajrizi? Gazetari: Serbia nuk e ka dorëzuar trupin…

Gazetari Kosovë Gjoci tha në një lidhje direkte për Euronews Albania, se rasti i Faton Hajrizit, është mbuluar me një “mjegull” e me teori konsiprative, pasi trupi i tij ende nuk është dorëzuar.

Ai tha se shteti i Kosovës ka kërkuar të ketë një informacion më të detajuar rreth vdekjes së tij, ndërsa shtoi se familjarët e Hajrizit kanë kërkuar kthehet trupi. Sa kohë trupi i tij nuk është kthyer mbetet ende e paqartë nëse ai ka vdekur e nëse ai është personi që ka vrarë një polic serb e ka lënë të plagosur një tjetër.

“Ditët e fundit në media po qarkullojnë më shumë teori konspiracioni, nga shteti i Kosovës është bërë kërkesa që sa më shpejt të kemi një raport apo detaje të caktuara që ai person është Faton Hajrizi e të bëhet identifikimi i tij e më pas do të bëhet procedurat mjeko-ligjore. Normalisht kërkesa vjen edhe nga familja e Fatonit, e cila ka kërkuar që ti kthehet trupi nëse ai është vërtet Fatoni. Sepse me gjithë këtë informacion dhe dyshime, është krijuar një lloj mjegulle ndaj rastit të këtij personi.

informacionet që ne kemi janë kryesisht nga autritetet serbe dhe nga mediat serbe. Gjërat do të bëhen të qarta kur Serbia do të vendosë të dorëzojë trupin e Fatonit te familjarët e tij e të bëj pak a shumë publike pak a shumë analizat, raportet që lidhen edhe me identifikimin e tij, por edhe me analizat që do të kryhen nga instituti mjeko-ligjor në atë shtet në mënyrë që të dihet nëse është vërtet Fatoni dhe nëse është vërtet ai që ka kryer krimin duke vrarë një policë e duke plagosur një tjetër”,-tha gazetari Kosovë Gjoci.

LEXONI GJITHASHTU:

• Zbardhi disa ngjarje të bujshme kriminale, seanca për “Plumbin e Artë” në ngërç
• Shërbimi Sekret amerikan: Atentati ndaj Donald Trump, dështimi më i madh operacional