Si do përzgjidhen banesat për legalizim? Kryebashkiaku i Vlorës zbërthen procesin

Ermal Dredha kryetari i Bashkisë në Vlorë ishte këtë të premte i ftuar në “Review” në Euronews Albania për të folur rreth mënyrës se si bashkitë do të angazhohen në legalizimin e banesave.

Ai tha se angazhimet e pushtetit vendor janë për të drejtuar të gjithë procesin. Ai shpjegoi se si do të administrohet procesi i legalizimeve.

“Ky është një angazhim që duhet të bashkërendohet si me qeverinë dhe me institucionet qendrore e patjetër edhe me ASHK-në. Të mos harrojmë se në fakt angazhimet e pushtetit vendor janë më specifike. Është më shumë për të orientuar dhe për të drejtuar të gjithë procesin e për ta zonuar.

Pak më parë dëgjova që do kemi emra të përveçëm për prioritetet tona. Qëllimi ynë kryesor është që të administrojmë të zgjithë zonën që mbulojmë. Të gjitha ankesat kryesore vijnë për procesin elegalizimeve. Ne duhet të kemi një qasje ndryshe e të zgjidhim këtë ngërç që është krijuar”,-tha Dredha.

LEXONI GJITHASHTU:

• “Si do i zgjedhin bashkitë shtëpitë që do legalizohen?” Haxhimali debat me Maznikun
• Endri Shabani për listat zgjedhore: Nuk ka reformë, ka rikthim të 2008-ës