Russell i rezistoi Hamilton dhe triumfoi në Spa

George Russell ja doli të mbajë pas shokun e skuadrës te Mercedes, Lewis Hamilton për fitoren e 3’të në karrierë në “Belgian Grand Prix”. Një sukses i madh në garën e transmetuar për të 1’ën herë në Euronews Albania dhe IN radio, ku ai u nis nga vendi i 6’të. Ai kreu një pilotim të jashtëzakonshëm në strategjinë me një ndërrim gomash duke qëndruar në kryesim dhe menaxhuar atë deri në xhiron e fundit.

Kjo u konfirmua nga rezistenca ndaj 7 herë kampionit të Botës që kishte goma 15 xhiro më të reja por nuk ishte në gjëndje të mposhte stilin impresionues të shokut të skuadrës. Hamilton u afrua në më pak se +0.500s por ashtu si edhe pilotët e tjerë e pati më të vështirë se u mendua për të parakaluar duke mos qënë asnjëherë në kushtet e nevojshme të mjaftueshme.

Ndërkohë që Russell menaxhonte kryesimin, McLaren dhe Oscar Piastri mbyllën distancën ndaj Hamilton por pa mundur të ngjiten në vendin e 2’të. Shtatë sekonda pas tyre erdhi Ferrari i Charles Leclerc që u parakalua nga Piastri në “Les Combes chicane” dhe mbylli xhirot e fundit në duel me Red Bull’in e Max Verstappen dhe McLaren’in e Lando Norris.

Pas Norris u rendit Ferrari i Carlos Sainz që 5 xhiro nga fundi parakaloi Red Bull’in e Sergio Perez duke ngritur akoma më shumë dyshimet për të ardhmen e meksikanit. E cila do të vendoset gjatë pushimeve, por rënia nga vendi i 2’të në fundin e zonës së pikëve, është diçka që nuk e favorizon aspak Perez që në xhiron e fundit vendosi kohën më të shpejtë duke marrë 1 pikë më shumë në klasifikim.

Fernando Alonso mori pikë të vlefshme për Aston Martin në vendin e 9’të ashtu si Alpine dhe Esteban Ocon që plotësuan top-10. Ky ishte klasifikimi përfundimtar në “Belgian Grand Prix” që u transmetua në Euronews Albania dhe IN radio:

1. George Russell (Mercedes) 1:19:57.040
2. Lewis Hamilton (Mercedes) +0.526s
3. Oscar Piastri (McLaren) +1.173s
4. Charles Leclerc (Ferrari) +8.549s
5. Max Verstappen (Red Bull) +9.226s
6. Lando Norris (McLaren) +9.850s
7. Carlos Sainz (Ferrari) +19.795s
8. Sergio Perez (Red Bull) +43.195s
9. Fernando Alonso (Aston Martin) +49.963s
10. Esteban Ocon (Alpine) +52.552s
11. Daniel Ricciardo (RB) +54.926s
12. Lance Stroll (Aston Martin) +63.011s
13. Alex Albon (Williams) +63.651s
14. Pierre Gasly (Alpine) +64.365s
15. Kevin Magnussen (Haas) +66.631s
16. Valtteri Bottas (Sauber) +70.638s
17. Yuki Tsunoda (RB) +76.737s
18. Logan Sargeant (Williams) +86.057s
19. Nico Hulkenberg (Haas) +88.833s
DNF. Zhou Guanyu (Sauber)

Ky është klasifikimi i 10 pilotëve të parë pas 14 garave:
1. Max Verstappen – 275 pikë
2. Lando Norris – 197
3. Charles Leclerc – 174
4. Oscar Piastri – 164
5. Carlos Sainz – 160
6. Lewis Hamilton – 143
7. George Russell – 141
8. Sergio Perez – 129
9. Fernando Alonso – 47
10. Lance Stroll – 24

Ky është klasifikimi i konstruktorëve pas 14 garave:
1. Red Bull – 404 pikë
2. McLaren – 361
3. Ferrari – 340
4. Mercedes – 284
5. Aston Martin – 71
6. RB – 33
7. Haas – 27
8. Alpine – 10
9. Williams – 4
10. Sauber – 0

LEXONI GJITHASHTU:

• Formula 1 zbarkon në Monako
• Paqe në pistat e Formula 1