OKB rifillon aktivitetet edukative në Gaza edhe pse 87% e shkollave janë dëmtuar

Agjencia e OKB-së për refugjatët palestinezë (UNRWA) njoftoi të shtunën se rifilloi aktivitetet arsimore në Rripin qendror dhe jugor të Gazës këtë javë.

Drejtori i Medias i UNRWA, Inas Hamdan shpjegoi se aktivitetet e rifilluara janë pjesë e një plani afatgjatë, duke u fokusuar fillimisht në sport, art, dramë dhe lojëra.

Ajo shtoi se në këto aktivitete do të përfshihet edhe mbështetje psikosociale për studentët në strehimore të ndryshme, të përshtatura sipas kushteve ekzistuese.

Hamdan theksoi se ndërsa ky hap synon të ndihmojë fëmijët e prekur nga lufta në vazhdim të rifitojnë një pamje normaliteti, është ende herët për të diskutuar një plan arsimor gjithëpërfshirës për shkak të luftës së vazhdueshme dhe sfidave të shumta.

UNRWA raportoi në fillim të kësaj jave se 85% e shkollave të saj në Gaza, ose 477 nga 564 ndërtesa, janë dëmtuar drejtpërdrejt ose kanë nevojë për riparime të konsiderueshme për t’u bërë sërish funksionale.

Sulmet ajrore izraelite kanë goditur shkolla, xhami dhe spitale shumë herë në ofensivën e tij nëntëmujore në Gaza, në kundërshtim me rregullat kundër goditjes së objekteve civile.

Më shumë se 39,500 palestinezë janë vrarë që atëherë, kryesisht gra dhe fëmijë, dhe mbi 91,000 janë plagosur, sipas autoriteteve lokale shëndetësore.

Pothuajse 10 muaj pas luftës izraelite, pjesë të gjera të Gazës qëndrojnë në gërmadha mes një bllokade gjymtuese të ushqimit, ujit të pastër dhe ilaçeve.

LEXONI GJITHASHTU:

• Dëshmitë tronditëse në raportin e OKB: Palestinezët mbahen të zhveshur në kafaze
• Raporti i OKB: Të paraburgosurit palestinezë përballen me torturë dhe keqtrajtim