“Nuk largohet e s’mund të prishë provat”- Ilir Beqja kërkon masë më të butë sigurie

Ish-ministri i Shëndetësisë, Ilir Beqaj, ka kërkuar ndryshim te masës së sigurimit nga “Arrest në burg” në një masë me të butë. Beqaj ndodhet në qeli pasi dyshimeve për abuzimet me fondet e SASPAK.

Në seancën e kësaj të hëne në GJKKO Beqaj ka paraqitur argumentet e tij në lidhje me kërkesën për ndryshimin e masës. Mbrojta e ish-ministrit pretendon, se nuk ka shkaqe të ligjshmë për të caktuar masën e sigurimit “Arrest në burg”. Ata pretendojnë se Beqaj nuk ka arsye të largohet jashtë vendit apo të prish provat.

Akuza, për të cilën Beqaj është vënë në pranga nuk lidhet me detyrën e tij si ministër shëndetësie në vitet 2013-2017, por me postin që mbajti si drejtuesi i Agjencisë shtetërore SASCAP, e krijuar  për të menaxhuar ndihmat e donatorëve të huaj, që nga viti 2021.

Masa e sigurisë është marrë me kërkesë të SPAK edhe për fshehje të pasurisë dhe pronësisë në një restorant emrin GZONA në kalanë e Tiranës

Në vitet 2022-2023, prokurorët kanë zbuluar një skemë korruptive me të paktën 8 aktivitete e konferenca, ku fituesit apo organizatorët paracaktoheshin.

Në një rast shërbimi për një konferencë, prokuroruar me vlerë 125 mijë euro rezultoi se nga kompania fituese ishte ofruar vetëm darka në vlerën 4 milionë lekë. Kjo darkë ishte ofruar në restorantin që drejtohej në hije nga ish ministri.

LEXONI GJITHASHTU:

• Pamje nga aksioni i SPAK në shtëpinë e Ilir Beqajt, agjentët i vendosën shiritat
• Dosja ‘Beqaj’| GJKKO zbut masën e sigurisë për biznesmenin Gazmend Haxhia
• Si mashtroi Ilir Beqaj? Myrta: Ja çfarë iu gjet në telefonat e sekuestruar