Gjirokastër| Turi “Kadare”, atraksioni turistik i aktivitetit letrar të shkrimatrit

Kjo verë po ofron një tur të veçantë për turistët që vizitojnë Gjirokastrën, i cili ka në qendër jetën dhe krijimtarinë letrare të Ismail Kadaresë.

Korifeu i letërsisë shqipe që u nda nga jeta në ditët e para të korrikut vazhdon të tërheqë turistët e interesuar në qytetin e lindjes.

“Ne kemi krijuar një tur që është veçanërisht vetëm për Ismail Kadarenë pasi është ambasadori më i mirë i Shqipërisë dhe veçanërisht qytetit tonë Gjirokastrës, ai ka shkruar vepra të ndryshme me të cilat është bërë i famshëm në botë duke qenë edhe disa herë kandidat për çmimin Nobel.” –thotë Marko Nurçe, i cili merret me guida turistike.

Pjesë e turit “Kadare” janë rrugicat e kalldrëmta, shtëpitë karakteristike dhe lagjet e qytetit ku shkrimtari i mirënjohur ka jetuar kur ishte fëmijë apo i përshkruan në librat e tij.

Tashmë turi me elementë të jetës dhe aktivitetit letrar të Kadaresë vlerësohet me interes nga turistët dhe veçanërisht të huajt që vizitojnë Gjirokastrën.

“Ky tur preferohet nga turistët francezë por edhe të tjerë që kanë lexuar Kadarenë, ata zbulojnë më shumë, prekin nga afër atë çfarë kanë lexuar në librat e Kadaresë duke zgjedhur këtë tur.” –tregon Nurçe.

Përgjatë këtij viti Gjirokastra ka mirëpritur mbi 150 mijë turistë, numri më i lartë i të cilëve po regjistrohet gjatë muajve të verës.

LEXONI GJITHASHTU:

• Kultivonte kanabis në oborrin e banesës së tij, arrestohet një person në Gjirokastër
• Procedohen penalisht dy persona për zjarrvënie të qëllimshme në Gjirokastër