Turizmi dentar në Elbasan, rritet fluksi i vizitorëve të huaj për shërbime dentare

Në Shqipëri ndër të tjera, po lulëzon edhe turizmi dentar. Shumë të huaj, kryesisht nga vendet fqinje, por edhe nga ato nordike, zgjedhin Shqipërinë si destinacionin më ekonomik për kontrollet orale dhe çdo trajtim tjetër të shëndetit të gojës.

Mjekja stomatologe, Marie Thomai në Elbasan pohon se italianët dhe gjermanët janë pacientët e tyre më të shpeshtë.

Të huajt Zgjedhin Shqipërinë për çmimet e ulëta dhe shërbime cilësore, thekson menaxheri i turizmit dentar në qytetin e Elbasanit Mikel Tusha.

Vetë pacientët shprehen të kënaqur me shërbimin e marrë në vendin tonë, madje thonë se do tua sugjerojnë të afërmeve.

“Vij nga Provinca e Barit. Jam shumë e kënaqur me punën që kanë bërë me mua. Ndaj do t’ia sugjeroja edhe të tjerëve të vijnë këtu. Janë të gjithë shumë të zotë, guida, doktoresha”, thotë një turiste.

Edhe pse Shqipëria ka tërhequr vëmendjen e të huajve në sektorin shëndetësor, ende ky lloj turizmi nuk paraqet qëndrueshmëri. Në këtë drejtim vetë ky sektor do të duhet të bëj më shumë.

LEXONI GJITHASHTU:

• Çmimet 50% më lirë, italianët zgjedhin Shqipërinë për turizmin dentar
• Panairi dentar Tirana 2023, risitë në fushën e stomatologjisë