Zbulohen dy raste të shfrytëzimit të fëmijëve për punë, Shein shton kontrollet

Gjigandi kinez i modës “Shein” thotë se gjeti dy shfrytëzimi fëmijësh në zinxhirin e punës, teksa ka paralajmëruar kontrollin e shtuar ndaj kompanive.

Firma thotë se pezulloi përkohësisht porositë nga furnitorët e përfshirë dhe nuk rifilloi biznesin me ta derisa ata të kishin rritur përpjekjet për të trajtuar çështjen.

Kompania është kritikuar për kushtet me të cilat përballen punëtorët në fabrikat në zinxhirin e saj të furnizimit.

“Të dyja rastet u zgjidhën me shpejtësi, me hapa riparimi duke përfshirë ndërprerjen e kontratave me punonjësit e mitur, sigurimin e pagesës së çdo pagash të papaguar, rregullimin e kontrolleve mjekësore dhe lehtësimin e riatdhesimit te prindërit/kujdestarët ligjorë sipas nevojës,” tha Shein.

Shein tha se tani ka shtrënguar politikat e saj të furnizuesve.

Sipas rregullave të reja, çdo shkelje, si puna e fëmijëve apo puna e detyruar janë bërë arsye për zgjidhjen e menjëhershme të kontratave.

Firma tha se dy rastet u zbuluan gjatë nëntë muajve të parë të 2023 dhe asnjë nuk u gjet në tremujorin e fundit të vitit.

LEXONI GJITHASHTU:

• Sulmi izraelit në Gaza vret 15 anëtarët e familjes palestineze, mes tyre 9 fëmijë
• Mes luftës dhe krizës klimatike, UNICEF ngre alarmin për fëmijët në Sudan