Historia afron turistët në Gjirokastër, të huajt interes për ndërtimet e vjetra

Në këto ditë vere Gjirokastra po vizitohet nga një numë i lartë turistësh të cilët preferojnë turizmin historik, natyror dhe turizmin e traditës.

Sipas specialistëve të turizmit interes vizitorët shfaqin për itineraret turistikë që përfshijnë dëshmitë historike, ndërtimet karakteristike dhe muzetë.

“Turizmi më i preferuar është turizmi historik pasi Gjirokastra mbart histori, kulturë, traditë, ka muze të shumtë, godina historike, obeliskun, ura e gurtë e Ali Pashës është një ndër më të preferuarat dhe një nga pikat më historike të qytetit tonë”, tha Ervina Saliaj, përgjegjëse e Turizmit në Bashkinë Gjirokastër.

Vizitorët vendas dhe të huaj përgjatë udhëtimif  përzgjedhin të njihen me pejsazhet natyrore, traditat e pasura, foklorin, gatimet karakteristike jo vetëm në qytetin e Gjirokastrës por edhe rrethinat.

“Edhe turizmi i traditës është bërë i preferuar vitet e fundit, të gjitha njësitë administrative kanë një turizëm të mirëfilltë edhe shfaqin traditat e tyre, qoftë në kulinari, në veshje, si edhe në gjithçka që ata mbartin dhe kanë”, tha më tej Saliaj.

Prej fillimit të vitit Gjirokastra është vizituar nga rreth 250 mijë turistë pjesa më e madhe e të cilëve janë nga vende të ndryshme të botës.

LEXONI GJITHASHTU:

• Zbardhjet vrasja e Faik Ajdinit: U urdhërua nga çifti në Gjirokastër, autori 23-vjeç
• Plagoset me thikë 38-vjeçari në Gjirokastër, në kërkim autori