Gërmime në Apoloni, ekipet e arkeologëve shqiptarë bashkëpunojnë me ata francezë

Ekipet e arkeologëve shqiptarë në bashkëpunim me atë francezë po kryejnë gërmime në Apoloni.

Gërmimet arkeologjike po kryehen në banjat termale të Apolonisë, teksa studiesit kanë në qendër të vëmendjes pasqyrimin e saktë të këtij vendbanimi të rëndësishëm europian.

Lajmin e ka bërë të ditur ambasada franceze, përmes një postimi në rrjetet sociale, në kuadër të 100 vjetorit të bashkëpunimit shkencor midis Francës dhe Shqipërisë.

Organi diplomatik shkruan se në këtë përvjetor është e rendësishme që të theksohet ky partneritet, i cili është bazë e frankofonisë shkencore midis dy vendeve tona.

Gjithashtu ato kanë përkujtuar edhe themeluesit kryesorë të këtij partneriteti përgjatë kësaj kohe në gjithë këto vite, historianët e shquar francezë dhe ato shqiptarë, si Léon Rey (1887-1954), Pierre Cabanes (1930-2023) dhe Hasan Ceka (1900-1998).

“Takime të frytshme me ekipet arkeologjike shqiptare dhe franceze që po kryejnë gërmimet rreth banjave termale të Apolonisë.

Në këtë 100 vjetor (1924-2024) të bashkëpunimit shkencor midis Francës dhe Shqipërisë, bazë e frankofonisë shkencore midis dy vendeve tona, është e rëndësishme të theksojmë këtë partneritet”- ka shkruar Ambasada franceze.

LEXONI GJITHASHTU:

• Turizmi kulturor në rritje, Apolonia pret 300 turistë në ditë
• Viti 2021 në Apoloni, nga 141 mijë vizitorë, 93 mijë të huaj