Atentati ndaj Altin Halilit, kapet personi që largoi autorët pasi dogjën makinën

Policia e Beratit ka arrestuar këtë të shtunë një nga autorët që dyshohet se mori pjesë në atentatin ndaj Altin Halilit, në rrugën e fshatit Dushnik të Beratit. Në pranga ka përfunduar një 48-vjeçar i cili dyshihet se është personi që që largoi nga vendi ku dogjën autmomjetin, autorët që qëlluan me armë në drejtim të automjetit që drejtohej nga Halili.

Grupi i posaçëm hetimor vijon veprimet për zbardhjen e plotë të ngjarjes, identifikimin dhe kapjen e autorëve.

Halili u qëllua me breshëri kallashnikovi teksa lëvizte në rrugën e fshatit Dushnik, por mundi të shtrihej në sedilje dhe t’i shpëtonte atentatit.

Më pas autorët shkuan në drejtim  të fshatit Kozare ku dogjën automjetin dhe u larguan me ndihmën e 48-vjeçarit të ndaluar nga policia.

Halili ka qenë i dënuar më parë për veprën penale “Vrasja” dhe ka dal nga burgu në vitin 2010.

Mësohet se ai ka vrarë në vitin 1997 shtetasin Sokol Kaloshi në Rremas të Lushnjës.

“Si rezultat i veprimeve hetimore dhe procedurale, të kryera specialistët e Seksionit për Hetimin e Krimeve ndaj Personit në DVP Berat, identifikuan, kapën dhe vunë në pranga shtetasin I.T., 48 vjeç, banues në Divjakë.

Nga hetimet e thelluara procedurale rezultoi se 48-vjeçari ka përkrahur autorët e ngjarjes, duke i larguar ata me automjet nga fshati Kozare, ku u gjet i djegur automjeti i tyre.

Grupi i posaçëm hetimor vijon veprimet për zbardhjen e plotë të ngjarjes, identifikimin dhe kapjen e autorëve.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme”, thuhet në njoftimin e policisë.

LEXONI GJITHASHTU:

• “U shtriva në sedilje”, flet 46-vjeçari: Si i shpëtova atentatit, te kush dyshoj
• I dënuar për vrasje, kush është Altin Halili, shënjestra e atentatit në Berat