Situata problematike në Lezhë, Ministria e Mbrotjes jep të dhëna për zjarret në vend

Ministria e Mbrojtjes ka bërë një përditësim të situatës së zjarreve në vend gjatë 24 orëve të fundit.

Përmes një njoftimi, Ministria bën të ditur se gjatë 24 orëve janë shuar 31 vatra zjarri, ndërkohë që situata problematike mbetet kryesisht në qarkun e Lezhës.

Po ashtu Ministria e Mbrojtjes bën të ditur se “pas një pune të pandërprerë të forcave operacionale në terren u bë i mundur izolimi i plotë dhe shuarja e vatrave në bashkitë: Tiranë, Kamëz, Durrës, Kavajë, Krujë, Mat, Rogozhinë, Lushnje, Roskovec, Vlorë, Dimal, Skrapar, Himarë, Prrenjas, Vau-Dejës, Shkodër, Dibër dhe Malësi e Madhe”.

Njoftimi i Ministrisë së Mbrojtjes:

Shuhen 31 vatra zjarri në 24 orë, situatë problematike në qarkun Lezhë

Sipas të dhënave nga Qendra Kombëtare Operacionale e Emergjencave Civile, në 24 orët e fundit në vend janë raportuar 36 vatra zjarri. Nga këto janë shuar 31 vatra zjarri, ndërsa pesë të tjera janë ende aktive.

Pas një pune të pandërprerë të forcave operacionale në terren u bë i mundur izolimi i plotë dhe shuarja e vatrave në bashkitë: Tiranë, Kamëz, Durrës, Kavajë, Krujë, Mat, Rogozhinë, Lushnje, Roskovec, Vlorë, Dimal, Skrapar, Himarë, Prrenjas, Vau-Dejës, Shkodër, Dibër dhe Malësi e Madhe.

Aktualisht, po punohet në:

Qarkun e Lezhës: në fshatin Shëngjin, njësia administrative Fan, bashkia Mirditë. Zjarri vazhdon të jetë aktiv më intensitet të lartë në një sipërfaqe me pishë dhe shkurre. Terreni është shumë i vështirë dhe në pjesën më të madhe nuk mundëson ndërhyrjen me mjete zjarrfikëse. Forcat operacionale janë në terren dhe po punojnë për shuarjen e tij; midis fshatit Mal i Bardhë dhe Skuraj, njësia administrative Milot, bashkia Kurbin. Zjarri është aktiv me intensitet të ulët dhe kryesisht digjet humus, pa patur rrezik për përhapje. Rrezik për banesa nuk ka. Situata është nën monitorim.

Qarkun e Kukësit: në fshatin Surroj, njësia administrative Surroj, bashkia Kukës, ka vijuar puna për izolimin dhe shuarjen e zjarrit të rënë në një sipërfaqe pyjore, më datë 20.08.2024. Në terren po punonjnë forca të njësisë administrative dhe Shërbimi Pyjor. Nuk ka rrezik për banesa, situata është nënë monitorim: në fshatin Barrë, njësia administrative Arrën, bashkia Kukës, riaktivizim i zjarrit në sipërfaqe me shkurre. Nuk paraqet rrezik për banesa. Situata është nën monitorim.

Qarkun e Vlorës: në fshatin Sopot, njësia administrative Delvinë, bashkia Delvinë, ka rënë zjarr në një sipërfaqe me shkurre në majë të malit, por pa asnje mundësi për ndërhyrje. Nuk paraqet rrezik për banesa. Forcat operacionale po mbajnë në monitorim vatrën e zjarrit.

LEXONI GJITHASHTU:

• Zjarret në Gjirokastër, reshjet e shiut ndihmojnë në lehtesimin e situatës
• Ndihmë nga BE për zjarret, mbështetje Shqipërisë dhe Greqisë në luftën me flakët