Pjesë e organizatës kriminale në Itali, arrestohet në Kavajë 26-vjeçari në kërkim

Viktor Tafa, një 26-vjeçar i shpallur në kërkim nga autoritetet italiane është arrestuar këtë të mërkurë në qytetin e Kavajës nga Forcat e Posaçme Operacionale.

Në vitin 2023, Gjykata e Bolonjës i ka caktuar këtij shtetasi, masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadrin e organizatës kriminale.

Policia e Shtetit bën me dije se po vijon bashkëpunimi ndërmjet Interpol Tiranës dhe Interpol Romës, për ta ekstraduar këtë shtetas, në Itali.

“Si rezultat i informacioneve të siguruara nga inteligjenca policore dhe të shkëmbyera me partnerët në Itali, në kuadër të planit operacional policor të koduar “Para drejtësisë”, mbi vendndodhjen e një shtetasi shqiptar, të shpallur në kërkim ndërkombëtar, për llogari të Italisë, Drejtoria e Forcës së Posaçme Operacionale, gjatë operacionit policor të koduar “Operacionalja 16”, kapi në Kavajë dhe vuri në pranga shtetasin V. T., 26 vjeç, i lindur në Kavajë”, thuhet në njoftimin e policisë.

LEXONI GJITHASHTU:

• I shkuan poshtë shtëpisë, pamjet kur kërcënohet Armand Duka. Gjykata liron 3 persona
• Kërcënuan kreun e FSHF, Armand Duka, arrestohen 5 shtetas, procedohen 2 të tjerë