Newey te Aston Martin për 35.52 milionë euro në sezon

“Designer’i” më i suksesshëm në Formula 1, Adrian Newey do ti bashkohet skuadrës angleze, Aston Martin në vitin 2025.

Sipas burimeve brenda Aston Martin, Newey do të qëndrojë për 5 vite në skuadrën e re nga ku do të përfitojë 35.52 milionë euro në sezon.

Marrëveshja mes palëve pritet të zyrtarizohet të martën në një konferencë shtypi në selinë e Aston Martin F1 në Silverstone.

Newey që u largua nga Red Bull në Prillin e kaluar, do të fillojë të punojë në ditët e para të Marsit në skuadrën e re. Menaxheri i 65 vjecarit, Eddie Jordan refuzoi të komentojë më shumë.

Ndërsa për pronarin e Aston Martin, Lawrence Stroll, të sigurojë shërbimet e Newey’t ëhtë një fitore e vogël Brenda cirkuitit ku ai ëndërron të fitojë titullin kampion.

Stroll ka ndërtuar një vepër arti në fabrikën e re, përfshi një tunel testimi erërash.

Ka të punësuar ndër inxhinierët më të mirë dhe ka siguruar kontratën e re për motorrin Honda duke filluar nga viti 2026.

Pa harruar kontratën me dy herë kampionin e Botës, Fernando Alonso deri në fund të sezonit 2026.

Nga ana tjetër, Newey ka ndërtuar reputacionin si “designer’i” më i suksesshëm në histori pas fitores së 12 titujve për pilotë dhe 13 për konstruktorë me Williams, McLaren dhe Red Bull.

Në vecanti ai njihet për hapin përpara ndaj rivalëve në periudhat e ndryshimeve në rregullore.

Rregullat aktuale ndalojë skuadrat të fillojnë punën me aerodinamikën për vitin 2026 përpara Janarit të 2025.

Neëey do të gjejë te Aston Martin një skuadër të talentuar inxhinierësh. Duke filluar nga ish drejtuesi i ndërtimit të motorrit te Mercedes, Andy Cowell.

Gjithashtu Aston Martin ka vënë nën kontratë ish Drejtorin e ndërtimit të shasisë te Ferrari, Enrico Cardile. Drejtori Teknik është Dan Fallows që punoi me Newey’n te Red Bull në vitet 2006-2021.

LEXONI GJITHASHTU:

• Monza, Tempulli i Shpejtësisë në Formula 1
• Pilotët më të famshëm në historinë e Ferrari’t