‘Vula’|Grupi i Bashës: Mospranimi i kërkesës për pezullim, s’është rrëzim i rekursit

Grupimi Demokratët Euroatlantikë ka reaguar pas mospranimit nga Gjykata e Lartë të kërkesës të Enkelejd Alibeajt për pezullimin e zbatimit të vendimit të Gjykatës së Apelit për vulën e PS, deri në vendimin përfundimtar të Gjykatës së Lartë.

Në reagim thuhet se Mospranimi i kërkesës për pezullim, nuk është rrëzim i rekursit të paraqitur nga Demokratët Euroatlantikë për vendimin e Apelit për vulën e PD.

Po ashtu në reagim thuhet se kryeministri Edi Rama dhe ish-kryeministri Sali Berisha kanë bërë Pazar kundër drejtësisë për vulën e PD.

Reagim i Demokratëve Euroatlantikë:

Duke ndjekur zellin e disa mediave për të raportuar në mënyrë krejt të pasaktë dhe keqdashëse mospranimin e kërkesës për pezullim nga Gjykata e Lartë, sqarojmë se:

Mospranimi i kërkesës për pezullim, nuk është rrëzim i rekursit të paraqitur nga Partia Demokratike – Demokratët Euroatlantikë për vendimin skandaloz të Apelit.

Kërkesa e sotme lidhej vetëm me pezullimin e zbatimit të vendimit të Gjykatës së Apelit, deri në vendimin përfundimtar të Gjykatë së Lartë.

Partia Demokratike – Demokratët Euroatlantikë nuk do të dorëzohen përballë padrejtësisë, pazari Rama-Berisha për vulën është një pazar kundër drejtësisë, kundër Shqipërisë!

LEXONI GJITHASHTU:

• Apeli i dha Berishës vulën e PD, GjL refuzon kërkesën e Alibeaj për pezullim
• BE refuzon kërkesën e Kievit për të trajnuar trupa brenda Ukrainës