“Nuk do doja ta dëgjoja kurrë humbjen e Bogdanit! Trishtimi i Topit

Gerti Bogdani u nda nga jeta papritur mesditën e kësaj të mërkure. Ish-deputeti i Partisë Demokratike pësoi arrest kardiak ndërsa ishte në ambientet e një lokali në rrugën “Dëshmorët e Kombit”.

Të shumtë ishin politikanët që kanë shprehur mesazhe ngushëllimi për largimin e tij të papritur nga jeta. Kolegët e tij opozitarë janë shprehur të tronditur nga ikja e parakohshme.

Ish-presidenti Bamir Topi në një intervistë për Euronews Albania shprehu trishtimin dhe dhimbjen për ndarjen e parakohshme nga jeta të Bogdanit, humbjen e të cilit siç tha, nuk do të donte ta dëgjonte kurrë.

“Ka qenë për mua një lajm i tmerrshëm, shokues sepse përveç të qenit publik, Gerti Bogdani është një nga pjesëtarët e familjes Bogdani me të cilët unë kam miqësi personale dhe familjare, është një ndarje e parakohshme e një njeriu që do ta veçoja nga çdo politikan tjetër. Një djalë me një sfond të fortë akademik, qytetar që nuk ka ditur të shkëmbejë edhe me kundërshtarin politik ndonjë fjalë me konotacion politik, është një humbje e madhe për prindërit e tij, bashkëshorten, fëmijët dhe sinqerisht ndihem shumë i pikëlluar. E kam takuar për koincidencë për një rast vdekjeje vetëm një javë më parë; gjithmonë i qeshur, i komunikueshëm, e kam takuar në shumë raste, kemi ndenjur afër bashkë. Ishte njëri me aspirata për jetën, vërtetë ishte pjesë e një partie por asnjëherë nuk ka qenë peng i partive politike”, tha Topi.

LEXONI GJITHASHTU:

• “Rrallë gjen njerëz si ai”, Sula për vdekjen e Gert Bogdanit: Humbje shumë e madhe
• Nga Rama e Berisha te deputetët e PS dhe PD, reagimet e politikës për Gert Bogdanin