Lirohet i dënuari me vdekje më jetëgjatë në Japoni

Një burrë 88-vjeçar, i cili është i dënuari me vdekje më jetëgjatë në botë, është liruar nga një gjykatë japoneze.

Iwao Hakamada, i cili ka qenë i dënuar me vdekje për më shumë se gjysmë shekulli, u shpall fajtor në vitin 1968 për vrasjen e shefit të tij, gruas së tij dhe dy fëmijëve të tyre adoleshentë.

Kohët e fundit atij iu dha një rigjykim mes dyshimeve se hetuesit mund të kenë vendosur prova që çuan në dënimin e tij për vrasje të katërfishtë. Vendimi i jep fund një prej sagave ligjore më të gjata dhe më të famshme të Japonisë.

Në vitin 2014, Hakamada u lirua nga burgu dhe iu dha një rigjykim nga një gjykatë japoneze, pasi avokatët mbrojtës treguan se ADN-ja nga njollat ​​e gjakut të gjetura në rrobat që pretendohej se ishin veshur nga vrasësi nuk përputhej me të tijën.

Që atëherë ai jeton nën kujdesin e motrës së tij, për shkak të gjendjes së rënduar mendore. Procedurat e stërzgjatura ligjore nënkuptonin se u desh deri vitin e kaluar që ai rigjykim të fillonte dhe deri të enjten në mëngjes që gjykatat të deklaronin nëse Hakamada do të lirohej nga akuzat ose do të varej.

Hakamada është vetëm i burgosuri i pestë i dënuar me vdekje që i është dhënë një rigjykim në historinë e vendit të pasluftës.

LEXONI GJITHASHTU:

• Japonia ngre alarmin pas përmbytjeve, 30 mijë njerëz evakuohen nga 2 qytete
• Një 10-vjeçar japonez sulmohet për vdekje nga një burrë në Kinë