Szczęsny thuajse i Barcelonës, mediat polake konfirmojnë akordin

Vojçek Shezni mund të konsiderohet lojtari më i ri i Barcelonës, teksa lajmi është konfirmuar nga mediat polake.

Sipas një artikulli të publikuar nga meçiki pl, palët kanë arritur akordin me njëra-tjetrën, duke zgjidhur dhe cështjen e pagesës që duhet ti kalojë Juventusit, pasi në rast se lojtari rikthehej nga pensionimi, do të duhet ti paguante afro 10 milionë euro bardhezinjve. Ky fakt nuk ka më rëndësi në këtë pikë, pasi gjithcka është zgjidhur, ndërsa portieri 34-vjecar pritet të kryejë testet mjekësore këtë të enjte.

Ai do të firmosë kontratën që e mban lidhur me katalanasit deri në fund të këtij sezoni. Kujtojmë se Shezni u tërhoq nga futbolli aktiv pak javë më parë, por duket se influenca e Robert Lewandowskit ia doli të kthejë në aktivitet ish-gardianin e Juventusit.

“Unë vetëm shpresoj që Marc të shërohet shpejt, ai është një mik i mirë dhe një portier i madh dhe i uroj atij më të mirën. Kjo është e vetmja gjë që mund të komentoj”, u shpreh së fundmi Shezni. Në orët në vijim pritet të konfirmohet si pjesë e blaugranëve.

LEXONI GJITHASHTU:

• Vështirësohen llogaritë e Hansi Flick, Barcelona me 8 lojtarë të dëmtuar
• Barcelona konfirmon se kapiteni Sergi Roberto është larguar nga klubi