SPAK mbyll hetimet e dosjes “Partizani”, dërgon çështjen në GJKKO

Prokuroria e Posaçme ka mbyllur hetimet për Sali Berishën dhe dhëndërin e tij Jamarbër Malltezi, biznesmenët Fatmir Bektashi e Xhimi Begeja dhe shtetasen Andia Pustina, duke zbritur në GJKKO kërkesën e nisjes së gjykimit lidhur me dosjen “Partizani”.

Përfaqësuesit e akuzës Arben Kraja dhe Enkeleda Millonai dorëzuan të martën e 15 tetorit materialin në gjykatë, teksa kjo e fundit pritet që të hedh shortin nesër në orën 9 për të caktuar trupën gjykuese, ku në listën e 10 gjyqtarëve nuk përfshihet emri i Irena Gjokës.

Kjo e fundit ka qenë trupë gjykuese prej tetorit të vitit të kaluar ku ka miratuar edhe masat e sigurisë, ndërsa ligji përcakton se nuk duhet të jetë më pjesë e procesit.

LEXONI GJITHASHTU:

• Mbyllen hetimet për dosjen “Partizani”, Berisha dhe Malltezi thirren në SPAK
• Partizani, dy të pandehur të tjerë. SPAK i komunikon akuzat Bektashit dhe Begejas