“Kam deklaruar çdo shpenzim”, Kryemadhi në GJKKO: Ky është gjyq publik

Deputetja e Partisë së Lirisë, Monika Kryemadhi tha para mediave pas daljes nga GJKKO se ajo ka deklaruar çdo ndërhyrje mjekësore e çdo shpenzim. Ajo tha se mënyra se si ka dalë dosja hetimore e SPAK është një gjyq publik kundrejt saj.

Kryemadhi tha se ka deklaruar çdo ndërhyrje shëndetësore të saj, të fëmijëve të saj dhe ish-bashkëshortit Ilir Meta, ndërsa shtoi se nuk ka bërë asnjë ndërhyrje plastike.

“Unë i kam deklaruar të gjitha shpenzimet. Unë kam deklaruar çdo gjë. Mënyra se si ata e kanë bërë është gjyq publik për të gjetur edhe viktima të tjera për ti përdorur atë që ata duan ti përdorin. Edi Rama a e ka deklaruar se kush e ka paguar operacionin dhe kurimin e djalit të tij në Amerikë?

Le të përgjigjet. Unë për fëmijët e mi kam deklaruar çdo ndërhyrje mjekësore. Le të shikojnë, unë nuk kam bërë ndërhyrje plastike, botoks dhe acid hilauronic kam bërë zotëri sa të doni”,-tha Kryemadhi.

LEXONI GJITHASHTU:

• “Të shihen operacionet e grave të prokurorëve” – Kryemadhi flet pas daljes nga SPAK
• “Drejtësia po godet drejtuesit e opozitës”- PD protestë në Parlamentin Europian