E kapën me lëndë narkotike gati për shitje, arrestohet 33-vjeçari

Një 33-vjeçar, që posedonte një sasi me lëndë të dyshuar narkotike canabis sattiva, është arrestuar në flagrancë në Bulqizë.

Sipas njoftimit të policisë gjatë kontrollit fizik atij iu gjet e fshehur në trup një sasi me lëndë narkotike canabis sattiva, të cilën do ta përgatiste në doza gati për shitje.

Në cilësinë e provës materiale 33-vjeçarit ju sekuestrua lënda narkotike, motomjeti që drejtonte, një aparat celular dhe 110 euro.

Ndërkohë materialet procedurale i kaluan Prokurorisë, për veprime të mëtejshme

Njoftimi i policisë:

Si rezultat i këtij operacioni, u arrestua në flagrancë shtetasi S.D., 33 vjeç, banues në Bulqizë, për veprat penale “Mosbindja ndaj urdhërit të punonjësit të policisë së rendit publik”, “Prodhimi dhe shitja e narkotikëve”, “Drejtimi i automjetit në mënyrë të parregullt”.

Shërbimet e Policisë i kanë bërë shenjë ndalimi motomjetit tip “Yamaha”, që drejtohej nga shtetasi S.D., por nuk i është bindur urdhërave të punonjësve të Policisë për të ndaluar. Gjatë ndjekjes u bë ndalimi i 33-vjeçarit, ku gjatë kontrollit fizik iu gjet e fshehur në trup një sasi me lëndë narkotike canabis sattiva, të cilën do ta përgatiste në doza gati për shitje.

LEXONI GJITHASHTU:

• Dhjetra arrestime në Britani në protestat e dhunshme, pas vrasjes së tre vajzave
• Aksion antidrogë në Korçë, 3 të arrestuar e 2 në kërkim