“Dita e xhuma” në xhaminë e Namazgjasë, mijëra besimtarë nga Kosova dhe RMV

Dita e xhuma i ka mbledhur besimtarët nga të gjitha trevat shqipfolëse në Xhaminë e Namazgjasë e inauguruar disa ditë më parë.

“Nga Kosove kemi ardhur vetëm të falim xhumanë, nga Vushtria, ka mbaruar një xhami e bukur”, thotë një besimtar.

“Nga Shkupi, emocion për të mirë, hera e parë këtë xhuma këtu. Kemi parë vende më të mira, por më mirë është këtu”, shprehet një tjetër.

Më e madhja në Ballkan, në Xhaminë e Namazgjasë, mund të falen 10 mijë besimtarë në të njëjtën kohë. Disa prej tyre e vizitonin për herë të parë xhaminë mes emocionesh të shumta.

“Sot po e vizitojmë përherë të parë, e bukur duket. Unë falem në Elbasan, lëvizim në shumë xhami”, thotë një besimtar.

Jo vetëm besimtarë myslimanë, por edhe të besimeve të tjera fetare kanë interes për të parë këtë objekt kulti. Të shumtë kanë qenë të huajt që kanë parë nga afër xhaminë, më e madhja në Ballkan.

LEXONI GJITHASHTU:

• Hoxha: Xhamia e Namazgjasë mund të ketë 3-4 imamë
• Inaugurohet Xhamia e Namazgjasë, Erdogan: U shërben 10 mijë besimtarëve