Vlora tejkalon pritjet e operatorëve turistikë, sezoni veror zgjat deri në vjeshtë

Të pranishmit shprehen se koha është e bukur dhe uji i ngrohtë.

“Tani është thuajse pranverë, jo fundi i tetorit! Koha është shumë e bukur, njerëzit kanë ardhur… Ne vijmë nga Fieri, dhe shokët e Vlorës na presin këtu. Është më mirë të bësh plazh tani sesa në korrik e gusht, sepse ka më pak njerëz dhe temperatura është më e këndshme,” thotë një qytetar.

Një tjetër shton: “Temperaturat janë të larta dhe nuk ka ardhur akoma periudha e ftohtë. Uji është shumë i mirë, si në pranverë. Më vjen mirë që shumë njerëz preferojnë plazhin në fundjavë.”

“Temperatura e detit është e shkëlqyer! E veçanta është se jemi me miq e shokë. Po e shijojmë këtë fundjavë me miqtë e mirë nga Fieri dhe Vlora. Ne vijmë çdo fundjavë këtu, plazhi është i bukur gjithmonë,” shprehet një tjetër qytetar.

Sipas informacionit nga operatorët turistikë, këtë fundjavë janë 40-50% të hoteleve të pronotuara në Vlorë.

Shqiptarët nga Kosova mbizotërojnë mes turistëve, ndërsa italianët janë numri më i madh i të huajve.

LEXONI GJITHASHTU:

• Pasojat e përmbytjeve në Vlorë, qytetarët apel Bashkisë: Dezinsektoni qytetin
• Pas derbit në Vlorë, Tirana pritet të luajë me Laçin në