Man City eliminohet nga Kupa, avancojnë më tej Arsenal e Liverpool

Carbao Cup ka njohur të mërkurën 8 skuadrat çerekfinaliste të garës, të cilat do të luftojnë deri në fund për fitimin e trofeut.

Rezultatet ishin deri diku surprizë, e një prej tyre eliminimi i kampionëve të Premier League, Manchester City. Këta të fundit u përballën me Tottenhamin, i cili u duk tejet i motivuar, duke rrëmbyer fitoren 2-1 në shtëpi. Werner e Sarr shënuan për londinezët, ndërsa për miqtë Nunes.

Me shumë ndryshime në formacion, Liverpool ia doli të kalojë më tej, duke mposhtur Brightonin 2-3. Heroi i të kuqve ishte Gakpo me një dopietë, e pas tij Diaz, teksa për vendësit realizuan Adingra e Lamptey. Djajtë e kuq shkëlqyen në ndeshjen e parë nën drejtimin e Van Nistelrooy, me fitoren 5-2 në kupë ndaj Leicester, ku 4 prej golave erdhën që në fraksionin e parë. Ylli i mbrëmjes ishte Garnacho, teksa paraqitje pozitive u panë dhe nga Casemiro e Fernandes.

Surprizë ishte eliminimi i Chelseas në duelin me Newcastle, por Arsenali në anën tjetër likujdoi Prestonin. Në çerekfinale, dueli më interesant pritet të jetë ai mes Tottenham e Manchester United më 17 dhjetor.

LEXONI GJITHASHTU:

• Sulmuesi i Tottenham, Richarlison refuzon transferimin në Arabinë Saudite
• Mbërrin në portin e Durrësit superjahti i bosit të Tottenhamit