Vodhën një automjet në Yzberisht, arrestohen 3 shtetas, procedohet një tjetër

Policia ka arrestuar 3 shtetas dhe ka proceduar në gjendje të lirë një shtetas, për moskallëzim krimi, pasi dyshohet se këta kanë vjedhur një automjet në Yzberisht.

Gjatë operacionit u arrestuan shtetasit A. T., 27 vjeç, A. T., 29 vjeç, banues në Tiranë, dhe K. B., 33 vjeç, banues në Shijak, për veprën penale “Vjedhja”.

Gjithashtu u procedua në gjendje të lirë shtetasi A. T., 27 vjeç, banues në Shijak, për veprën penale “Moskallëzimi i krimit” dhe po punohet për kapjen e shtetasit D. T.

Nga veprimet hetimore të kryera dyshohet se më datë 09.10.2024, shtetasi A. T., 27 vjeç, ka vjedhur një automjet tip “Benz”, në një garazh në rrugën “Tre Dëshmorët”, në Yzberisht.

Shtetasi A. T., 29 vjeç, e ka shoqëruar me një automjet tjetër para, si dhe pas kryerjes së vjedhjes ka shoqëruar automjetin e vjedhur dhe kanë lëvizur të dy automjetet bashkë.

Nga veprimet hetimore të kryera ka rezultuar se shtetasi K. B., ka dashur që t’i shesë automjetin e vjedhur shtetasit A. T., i cili dhe pse ka patur dijeni që automjeti është i vjedhur, nuk e ka kallëzuar atë pranë organeve kompetente.

Materialet i kaluan Prokurorisë.

LEXONI GJITHASHTU:

• Deputeti Luan Baçi paraqitet në SPAK, zbardhet arsyeja
• Hetimet për ’21 janarin’, Tahiri në SPAK: U pyeta edhe për kallëzimin ndaj Bashës