Tritol për herë të katërt banesës në Fushë-Krujë, shoqërohen disa shtetas të dyshuar

Një shpërthim me tritol alarmoi mbrëmjen e djeshme banorët e fshatit Halil të rrethit Krujë.

Për herë të katërt banesës së shtetasit Arben Pëllumbi iu vendos lëndë eksplozive, ndërsa fatmirësisht gjatë momentit të shpërthimit, në banesë nuk kishte njeri.

Nga shpërthimi i fuqishëm ku mendohet të jetë përdorur një sasi e konsiderueshme tritoli, janë dëmtuar edhe banesat e tjera të fshatit.

Policia thotë se ka shoqëruar disa persona për këtë ngjarje që dyshohet të ketë ndodhur si pasojë e disa konflikteve të ndodhura më parë.