Vidhnin biçikleta në qytet, arrestohen 2 persona në Elbasan

Dy persona janë arrestuar nga policia e Elbasanit, pasi gjatë muajit nëntor dyshohet se vodhën disa biçikleta në qytet.

Të dy të arrestuarit rezultojnë të dënuar më parë për të njëjtën veprimtari kriminale.

Njëri prej të arrestuarve u kap në flagrancë duke shitur një nga biçikletat e vjedhura.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprën penale “Vjedhja”, kryer në bashkëpunim.

“Policia e Elbasanit ka arrestuar dy persona, M. T., 38 vjeç dhe L. Xh., 33 vjeç, të dy banues në Elbasan, për vjedhjen e biçikletave gjatë muajit nëntor. Sipas hetimeve, dyshohen se janë autorë të tre vjedhjeve të biçikletave në lagje të ndryshme të qytetit”, thuhet në njoftimin e policisë.

Veprat penale përfshijnë:

Më 7 nëntor 2024, në lagjen “28 Nëntori”, ku ata dyshohet se vodhën biçikletën e shtetasit S. T., 42 vjeç.

Më 6 nëntor 2024, në lagjen “Dyli Haxhire”, ku dyshohet se kanë vjedhur biçikletën e shtetases F. P., 38 vjeçe.

Më 5 nëntor 2024, në lagjen “Kongresi”, ku dyshohet se kanë vjedhur biçikletën e shtetasit E. K., 58 vjeç.

LEXONI GJITHASHTU:

• Durrës| 29-vjeçari tenton të vjedhë bankën, më pas grabit një pikë këmbimi valutor
• Emrat| Zbardhet vjedhja e kasafortës në marketin në Tiranë, arrestohen 2 të rinjtë