Trafikoi nga Zvicra në Shqipëri makina me vlerë 150 mijë euro, arrestohet 38-vjeçari

Një 38-vjeçar shqiptar i cili banon në Zvicër, është arrestuar në Tiranë. Ai dyshohet se ka trafikuar në vendin tonë dy automjete tip audi.

Sipas njoftimit të policisë automjetet kapin vlerën 150 mijë euro. Njëri nga automjetet e vjedhura, tip “Audi Q8”, cili u gjet në një vendparkim në Don Bosko u sekuestrua. Ndërkohë po punohet për gjetjen e automjetit tjetër.

Materialet procedurale i kaluan Prokurorisë, për veprime të mëtejshme.

Njoftimi i policisë:

Trafikoi në Shqipëri, 2 automjete të vjedhura në Zvicër me vlerë 150 000 euro, arrestohet 38-vjeçari.

Sekuestrohet në cilësinë e provës materiale, njëri prej automjeteve, tip “Audi Q8”.

Specialistët e Seksionit për Hetimin e Trafiqeve të Paligjshme të DVP Tiranë, në vijim të punës për goditjen e paligjshmërisë, bazuar dhe në informacionet e siguruara në rrugë operative, për një shtetas që kishte trafikuar në vendin tonë, dy automjete të vjedhura në Zvicër, në kuadër të një procedimi penal të vitit 2024, organizuan dhe finalizuan me sukses operacionin policor të koduar “Swiss”.

Gjatë operacionit u arrestua shtetasi A. Sh., 38 vjeç, banues në Zvicër.

Nga veprimet hetimore dyshohet se 38-vjeçari ka trafikuar në vendin tonë, 2 automjete tip “Audi”, që rezultojnë të vjedhura në Zvicër.

Në cilësinë e provës materiale është sekuestruar njëri nga automjetet e vjedhura, tip “Audi Q8”, cili u gjet në një vendparkim në Don Bosko. Po punohet për gjetjen e automjetit tjetër.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Raporti i KE për Shqipërinë|Nga arritjet e SPAK, tek arrestimet në 3 vitet e fundit
• “Do të preken disa institucione”, Prençi: Shumë shpejt arrestime për dosje të tjera