Berisha për protestën te Parlamenti: Qëllimi ynë, miratimi i minimumit jetik 200 €

Vetëm disa ditë para protestës së radhës së PD, që këtë herë do të zhvillohet përpara Parlamentit në një kohë që brenda në seancën plenare do të diskutohet për buxhetin e vitit 2025, Sali Berisha deklaron se kjo protestë do të ketë një qëllim kryesor.

 “Do të ketë mobilitet, brenda dhe jashtë parlamentit. Qëllimi ynë është të miratohet amendamenti që vendos minimumin jetik, 200 euro për çdo shqiptar që merr më pak se kaq, apo që nuk merr asgjë”,u shpreh Sali Berisha.

Gjatë konferencës për gazetarët, Sali Berisha deklaroi se përveç minimumit jetik, një tjetër shqetësim kritik për opozitën është edhe gjendja e biznesit në Shqipëri, që sipas tij po vuan politika e gabuara fiskale që ka ndjekur qeveria.

 “Shqetësimi ynë i dytë shumë i madh është gjendja e biznesit në Shqipëri, në të cilën dora e zezë e qeverisë ndërhyn në mënyrë të egër. Shqipëria është i vetmi vend në planet në të cilin gjatë 11 viteve, sistemi ligjor tatimor ka pësuar 60 ndryshime, gjë që hedh në erë çdo siguri juridike për investitorët në Shqipëri”,-tha Berisha.

Gjatë kësaj dalje, kryedemokrati ka theksuar edhe një herë tjetër rëndësinë që drejtuesit e PD do duhet t’i kushtojnë rrjeteve sociale për të komunikuar me qytetarët, e sidomos me votuesit e diasporës.

LEXONI GJITHASHTU:

• Berisha: Goditja që mori ekstremizmi i majtë dhe Soros, do të vijë edhe në Shqipëri
• Berisha: Goditja që mori ekstremizmi i majtë dhe Soros, do të vijë edhe në Shqipëri