“Sylvinho duhet të guxojë”, Rraklli: Ka ardhur koha të ndryshojmë modulin e lojës

Një ditë pasi Kombëtarja barazoi me Çekinë në Tiranë ka folur në Euronews Albania ish-futbollisti i Kombëtares Altin Rraklli i cili u shpreh se tashmë ka ardhur koha që Sylvinho të ndryshojë modulin e lojës dhe të guxojë më shumë.

“E dija që ndaj  Çekisë do të ishte e vështirë por ne duhet ta kishim përgatitur ndeshjen vetëm për fitore pasi barazimi nuk na bënte shumë punë duke parë dhe pozicionim e Gjeorgjisë dhe Çekisë.

“Ka ardhur koha që Silvinho te guxojë pak më shumë pasi që kur ka ardhur ai luan me të njetën skemë taktike dhe unë mendoj që janë disa gjëra që ai duhet ti ndryshojë. Muçi dhe Uzuni janë në superformë dhe ne na duheshin forca të shumta sulmuese dhe nëse analizojmë formacionin e ekipit tonë mbrëmë, ne luajtëm me tre mesfushorë qendre që janë të tre me tipare mbrojtëse dhe nuk kemi në fushë një mesfushor me tipare sulmuese, pra janë disa gjëra që duhen zgjidhur që në një ndeshje kur të duhet fitorja të guxosh pak më shumë”.

“Kur ky luan me të njetin modul loje dhe nuk e ndryshon dhe për kundërshtarët është shumë e lehtë të përballen me ne dhe e kanë të thjeshtë të marrin masa kur na kanë kundër prandaj po them se ka ardhur koha të ndryshojmë diçka sepse do ta kemi të vështirë në të ardhmen”, tha Rraklli.