Rama prezanton pr.buxhetin: Bonus i dytë për pensionistët në pranverë

Kryeministri Edi Rama tha sot në Kuvend ku prezantoi pr.buxhetin për vitin 2025 se bonusi i fundvitit për pensionistët do të jetë 2 dhe 3-fishi i atij të viteve të shkuara të ndarë sipas dy kategorive.

Rama theksoi se veç bonusit të fundvitit, në ditët e para të dhjetorit do krijohet një fond tjetër për një bonus të pranverës për pensionistët, që do të jepet çdo pranverë dhe do të jetë një shumë e përfituar nga rritja e ekonomisë në vitin paraardhës

“Në ditët para të dhjetorit do krijomë pranë BSH fondin e një bonusi të dytë që do të jetë bonusi i pranverës, që do jepet në hyrje të çdo pranvere duke dhënë një shumë të përfituar nga rritja e ekonomisë në vitin paraardhës. Nga kjo, pensionistët tanë mund ta prekin rritjen ekonomike të vendit. Gjithashtu, do kemi gati vitin e ardhshëm planin e ri të pensioneve duke garantuar qëndrueshmëri pa kërcënuar zhvillimin e mëtejshëm ekonomik të vendit”, tha Rama.

LEXONI GJITHASHTU:

• Rama prezanton bonusin e pensionistëve, opozita proteston: Ndërpritet seanca
• Rama në Samitin për Klimës në Baku: Të shkojmë përtej fjalëve, duhen veprime