Tjetërsuan tokën 12.900 m2 në Lalëz, detaje nga arrestimi i ish-kreut të Kadastrës

Detaje të reja janë zbuluar nga arrestimi i ish-drejtuesit të Kadastrës së Durrësit, Ardian Kona, i cili u ndalu këtë të mërkurë me urdhër të prokurorisë.

52-vjeçari u ndalua në kuadër të një hetimi të nisur nga prokuroria e Durrësit në lidhje me regjistrimin e një prone me dokumente false.

Gjithashtu në kërkim janë shpallur dhe 2 zyrtarë të tjerë të Kadastrës, të cilët akuzohen për veprën penale të Shpërdorimit të detyrës.

Ata janë shtetasit B. Z., 42 vjeç, me detyrë jurist në ASHK Durrës dhe L. D., hartografi i Kadastrës.

Në kërkim u shpall dhe përfituesi i pronës, shtetasja me iniciale A. D., 44 vjeçe, banues në Tiranë. Ky i fundit akuzohet për veprën penale “Shpërdorimi i detyrës”, kryer në bashkëpunim dhe “Falsifikimi i dokumenteve”’.

Nga hetimi i nisur në vitin 2024, rezultoi se përfituesja e pronës, në bashkëpunim me drejtorin dhe 2 punonjësit e Kadastrës së Durrësit, kanë regjistruar një sipërfaqë 12.900 m2 pa asnjë dokument ligjor, pasuri kjo e ndodhur në Lalëz Durrës, e cila më parë ka qenë pasuri me status “shtet”.

“Kjo pasuri u regjistrua në kundërshtim  Ligjin nr.9948, datë 07.07.2008 “Për vlefshmërinë ligjore të titujve të pronësisë”, i ndryshuar” pasi u regjistrua bazuar në një vendim gjykate i cili detyronte komunën për pajisjen me AMTP. Nga hetimet rezultoi se për këtë pasuri nuk është lëshuar asnjëherë AMTP nga institucionet përkatëse, si dhe nuk ka asnjë dokumentacion apo aplikim në ASHK në lidhje me këtë pasuri.

Me vendimin nr.488 datë 28.07.2024, nga Gjykata e Shkallë së Parë të Juridiksinit të Përgjithshëm Durrës për këtë pasuri ka vendosur ‘Sekuestro preventive”, të kësaj toke”, njofton prokuroria e Durrësit.

LEXONI GJITHASHTU:

• Arrestohet ish-drejtori i kadastrës në Durrës, në kërkim 2 zyrtarë
• Ish-deputeti i Partisë Socialiste paraqitet në SPAK