Moti i keq me erëra të forta, disa zona në Elbasan pa energji elektrike

Disa zona në qarkun e Elbasanit për shkak të motit të keq e me erë të fortë janë pa energji elektrike.

OSHEE njofton se aktualisht  janë pa energji elektrike 324 abonentë në të gjithë qarkun Elbasan.

Situata më e rënduar  paraqitet në bashkitë Librazhd, Përrenjas, Gramsh. Nga kushtet atmosferike janë shkaktuar dëme në sektorin energjetik sidomos në zonën e Librazhdit.

Për eliminimin e dëmeve janë në terren prej 48 orësh grupet e punës të cilat po punojnë për riparimin e defekteve. Janë djegur trasformatorët në disa lagje të fshatrave të Librazhdit nga shkarkimet atmosferike.

Gjithashtu, në linjat e tensionit të lartë dhe të mesëm ka pasur raste të rënies së pemëve të cilat kanë shkaktuar dëme  në rrjetin energjitik në fshatrat e Librazhdit: Togëz, Dorëz, Zgosht, Fushë Struden Steblevë, Neshtë, Dranovicë , Orenjë, Librazhd Qendër, Vehçan, Xhyrë, Polis, Sopot.

LEXONI GJITHASHTU:

• Fuqia e detit deri në 8 ballë, përkeqësohet moti në Vlorë, disa fshatra pa energji
• Nga e enjtja ulen temperaturat/ Parashikimi i motit për javën