Sulmi në Zubin Potok, reagon për herë të parë Vuçiç

Presidenti i Serbisë, Aleksandër Vuçiç ka reaguar për herë të parë pas sulmit të ndodhur një atë më parë ndaj infrastrukturës jetike të Kosovës në Zubin Potok.

Vuçiç pretendoi se Beogradi “nuk ka të bëjë fare” me sulmin që ndodhi mbrëmë në Ibër-Lepenc, në Zubin Potok dhe këtë, sipas tij, e di edhe Prishtina.

Këtë deklaratë ai e bëri në një bisedë me disa të rinj të partisë së tij, të cilëve duke iu shpjeguar se si në politikë “nuk duhet të nxitohesh”, Vuçiç tha se për këtë s’ka reaguar në mëngjes.

“Asnjëherë mos merrni vendime nën presion. Si mendoni, pse nuk nxitova sot në orën gjashtë të mëngjesit të them se Serbia nuk ka lidhje me atë që ndodhi në Ibër-Lepenc. E dini, ne mund ta bënim këtë dhe ta kthenim lumin përpjetë për ta, nuk na duhej asnjë terrorizëm”, ka thënë Vuçiç

Një shpërthim mbrëmjen e së premtes i shkaktoi dëme të konsiderueshme kanalit të ujit të Ibër-Lepencit në fshatin Varragë të komunës së Zubin Potokut, duke rrezikuar furnizimin me ujë dhe rrymë në vend.

Autoritetet kosovare e akuzuan menjëherë Serbinë se ka gisht në këtë sulm.

LEXONI GJITHASHTU:

• Kurti në Zubin Potok pas sulmit: Policia ka arrestuar disa të dyshuar
• Serbia dënon sulmin në Zubin Potok, mohon përfshirjen: Provokim i Kurtit