Kuvendi mban 1 minutë heshtje për Arben Tafajn

Deputetët e Kuvendit të Shqipërisë kanë mbajtur një minutë heshte për politikanin dhe aktivistin Arben Tafaj i cili u nda nga jeta ditën e sotme.

Kuvendi vendosi, me propozim të deputetes demokrate Jorida Tabaku dhe miratim te PS, një minutë heshtje për Tafajn.

Disa herë kandidat për bashkinë Tiranë dhe kreu i shoqatës Tirana, Tafaj humbi jetën në mënyrë aksidentale në banesën e tij.

Arben Tafaj nisi karrierën e tij politike në zgjedhjet e vitit 2003, kur fitoi 4,570 vota, ose 48.65% të votave. Në vitin 2007, ai mori 6,734 vota (56.85%), ndërsa në 2011 arriti 9,634 vota (59.21%). Përveç angazhimit të tij në administratën publike, ai ishte një nga drejtuesit e shoqatës “Tirana”, një grupim civil që promovonte vlerat e trashëgimisë kulturore dhe qytetare të Tiranës, duke luajtur një rol të rëndësishëm në mbrojtjen e këtyre vlerave dhe në komunikimin me shoqërinë dhe organizmat ndërkombëtarë.

LEXONI GJITHASHTU:

• Ndahet nga jeta politikani dhe aktivisti Arben Tafaj
• Seanca për buxhetin 2025, PD depoziton 36 amendamente, Berisha rikthehet në Kuvend