EMRI| U vetëplagos me armë zjarri një ditë më parë, arrestohet 45-vjeçari në Lezhë

Një 45-vjeçar, i cili një ditë më parë u vetëplagos me armë zjarri, u arrestua nga policia e Lezhës, për armëmbajtje pa leje. Policia njoftoi se i arrestuari është Mondi Gjoka. Pas vetëplagosjes, ai ka fshehur armën në lokalin e tij në mënyrë që të fshihet e vërteta.

I plagosuri Mondi Gjoka vijon të marrë ndihmën mjekësore dhe është jashtë rrezikut për jetën.

Njoftim i policisë

Në vijim të informacionit të dhënë mëngjesin e djeshëm, për vetëplagosjen në këmbë, me armë zjarri, të shtetasit M. Gj., 45 vjeç, banues në fshatin Rraboshtë, informojmë se janë kryer veprimet procedurale për arrestimin e 45-vjeçarit, sepse nga verifikimet rezultoi se armën e zjarrit e posedonte pa leje.

Gjithashtu, ky shtetas, pas vetëplagosjes, në lokalin e tij, e ka fshehur armën, me qëllim pengimin e zbulimit të së vërtetës së rastit. Shtetasi M. Gj. vijon të jetë në kujdesin e mjekëve dhe jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Veprime që pengojnë zbulimin e së vërtetës”.

LEXONI GJITHASHTU:

• Qëlloi në ajër me armë zjarri kallashnikov, arrestohet 44-vjeçar në Vlorë
• Mbante armë pa leje në banesë, arrestohet 42-vjeçari në Tiranë