Ndryshimet në kodin zgjedhor për listat, Daci në Kushtetuese: Të pezullohen

Gjykata Kushtetuese ka marrë sot në shqyrtim kërkesën e disa partive për shfuqizimin e ndryshimeve të votuara në korrik nga parlamenti në kodin zgjedhor për listën e kandidatëve për deputet ku 1/3 e listës është e mbyllur ndërsa 2/3 e hapur.

Jordan Daci, përfaqësues ligjor i partisë Aleanca Demokracia e Re dhe 5 subjekteve të tjera përfshirë LZHK, kërkoi nga Kushtetuesja që kërkesa të merret në shqyrtim dhe të pranohet pasi sipas tij ndryshimet mund të implementohen në zgjedhjet e ardhshme.

“Ne gjykojmë që kërkesa duhet të merret në shqyrtim dhe të miratohet. Vetë kërkesa për pezullim ka qëllim që vendimi i Kushtetueses të prodhojë efekte, duke pasur parasysh afatet, ne i bie të futemi në fushatë zgjedhore, nuk do kishte efekt për zgjedhje, ndaj ne kërkojmë  të merret në shqyrtim pasi do të ketë efekt për zgjedhjet e ardhshme. Kushtet për  pezullim janë, nuk justifikohet vijimi i një procesi zgjedhor bazuar në shkelje të kushtetutës”, tha Daci.

LEXONI GJITHASHTU:

• Basha për zgjedhjet e ardhshme: Do jemi alternativë, por kemi disa parime…
• Lirimi i Berishës, Luçiano Boçi: Ndikuan zgjedhjet e SHBA-së