Gonxhe u transferua në Tiranë, kush pritet të caktohet drejtues politik në Dibër

Burime për Euronews Albania, bëjnë me dije se Blendi Klosi do të jetë drejtuesi i ri politik i qarkut të Dibrës në radhët e Partisë Socialiste.

Caktimi i tij në Dibër vjen pas vakancës së krijuar në strukturat drejtuese të Partisë Socialiste, pas kalimit të Blendi Gonxhes në Tiranë.

Klosi, një figurë e rëndësishme brenda të majtëve, do të ketë përgjegjësinë për menaxhimin e fushatës në këtë qark, ndërkohë që Gonxhja do të fokusohet në zonën e Kombinatit në kryeqytet.

Ky ndryshim vjen ndërsa Partia Socialiste po riorganizohet në prag të zgjedhjeve parlamentare të vitit 2025.

Më herët Klosi ka drejtuar fushatën e socialistëve në qarkun e Vlorës. Gjithashtu ai mban postin e Sekretarit të Përgjithshëm në selinë rozë.

LEXONI GJITHASHTU:

• PS ndryshime të drejtuesve në qarqe, Blendi Gonxhja kalon nga Dibra në Tiranë
• “100 dhe 150 euro bonus për fundvit”- Rama vlerëson reformën e pensioneve