PS ndryshime të drejtuesve në qarqe, Blendi Gonxhja kalon nga Dibra në Tiranë

Partia Socialiste mund të ndryshojë sërish drejtuesit e fushatës nëpër qarqe me afrimin e  zgjedhjeve parlamentare të rradhës.

Ministri i Ekonomisë, Kulturës dhe Inovacionit, Blendi Gonxhja nuk do të jetë me drejtues politik për qarkun e Dibrës, por do të zhvendoset ne kryeqytet, konkretisht në zonën e Kombinatit, ku ka shërbyer edhe më parë. Gonxhja publikoi foto në rrjete sociale nga një aktivitet partiak në njësinë Nr.6 të Tiranës siç njihet ndryshe si zona e Kombinatit, ku bëri me dije për angazhimin e ri politik.

“Me kolegen Ogerta Manastirliu për angazhimin e ri politik në Tiranë, ku rrisim forcat për qarkun lokomotivë dhe fuqizojmë organizimin në çdo njësi! Kombinati në veçanti, njësia 6, ku do të optimizojmë e zgjerojmë ekipin, me frymën e gjithëpërfshirjes që Partia Socialiste e jetëzon si asnjë forcë tjetër politike, mes shokësh të çmuar të disa fushatave fitimtare që na lidh misioni i përbashkët për tu qenë pranë qytetarëve dhe komunitetit, nga role e detyra të ndryshme që burojnë nga votëbesimi elektoral e demokratik”, e mbyll postimin e tij Blendi Gonxhja.

LEXONI GJITHASHTU:

• “100 dhe 150 euro bonus për fundvit”- Rama vlerëson reformën e pensioneve
• PS dhe PD bien dakord për votën e diasporës, Gjiknuri: Jemi shumë afër realizimit