I morën paratë 2 shtetasëve të huaja duke i kërcënuar në banesë, 3 të arrestuar

Policia e Vlorës ka arrestuar tre persona pasi dy ditë më parë kanë vjedhur me nën kërcënimin e një pistolete lodër një shumë parash në një banesë me qira të marrë nga dy vajza të huaja.

A.T 39-vjeç dhe K.B 41 vjeç (i dënuar për vrasje në Greqi) në bashkëpunim me njëri-tjetrin kanë hyrë me forcë në banesën me qira në lagjen “1 Maj” nga dy vajza të huaja dhe nën kërcënim me një send pistoletë lodër i kanë vjedhur 500 euro, një aparat celular samsung dhe një dokument udhëtimi.

Më pas këta të dy janë ndihmuar edhe nga O.P 33 vjeç, ku i ka larguar nga Vlora drejt Tiranës me makinën tip “Audi” me qëllim fshehjen nga kontrollet e policisë. Gjatë kontrollit fizik policia i ka gjetur 33-vjeçarit një sasi lënde narkotike e dyshuar kannabis.

Në cilësinë e provës materiale u sekuestruan një send pistoletë lodër, veshje dhe një automjet tip “Range Rover”, të përdorura nga autorët gjatë kryerjes së krimit, një shumë parash prej 440 euro dhe dokumenti i udhëtimit të vjedhur prej tyre, një automjet tjetër tip “Audi”, një sasi lënde narkotike e dyshuar kanabis dhe 7 aparate celulare.

Operacioni policor i koduar “Breaking” u zhvilliua nga Komisariati i Policisë Vlorë, në bashkëpunim me Strukturat Hetimore të DVP Vlorë, me mbështetjen e Forcës së Posaçme Operacionale në DPPSH dhe nën drejtimin e Prokurorisë së Rrethit Gjyqësor Vlorë pas rastit të vjedhjes me anë të kërcënimit të dy shtetasëve të huaja (njëra kolumbiane dhe tjetra venezueliane), që banonin me qera në Vlorë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

LEXONI GJITHASHTU:

• Plagosi me thikë një person dhe u largua, shpallet në kërkim 51-vjeçari në Vlorë
• Shpërthim tritoli te “The Boss” në Lungomare, ish-pronari u vra në 2021