Kush janë 10 kampionët e anti-korrupsionit e vlerësuar nga DASH

Altin Dumani është njeriu i dytë, pas Ardian Dvoranit që Shtetet e Bashkuara të Amerikës e vlerësuan si kampionin shqiptar  të antikorrupsionit.  Kreut të Strukturës së Posaçme kundër Korrupsionit dhe Krimit të Organizuar i jepet titulli kur i kanë mbetur edhe një vit nga mbyllja e mandatit në krye të SPAK.

Të njëjtin “medalje” morën edhe 9 të tjerë. Ajo që bie në sy në vlerësimin e dhënë nga Departamenti Amerikan i Shtetit është se të gjithë kampionët e luftës kundër korrupsionit vijnë nga vende kryesisht të botës së tretë, Afrika, Lindja e Mesme dhe Amerikan Latine.

Për Gambia-n, një shtet i Afrikës Perëndimore e mori Marr Nyang. Ai është një asktivist i të drejtave të njeriut dhe që si angazhim kryesor të tij ka luftën kundër korrupsionit.

Një tjetër afrikan, këtë herë nga Uganda. Jimmy Ssentongo, është akademik dhe po aq mbrojtës i të drejtave të njeriut.

Nga Lindja e Mesme është Carl Irani, nga  Libani. Gjykatësi kryesoi disa nga rastet më të rëndësishme të korrupsionit shtetëror në vend, atë të shpërthimin e portit të Bejrutit më 2020.

 

View this post on Instagram

 

A post shared by Euronews Albania (@euronews_albania)

Kampionët e luftës kundër korrupsionit në Amerikën Latine vijnë nga Panamaja dhe Kolumbia. I pari është Javier Salazar, Prokurori i Përgjithshëm dhe i dyti kapiteni, Jorge Cortes, i Interpolit që udhëhoqi forcën anti-korrupsion të policisë kombëtare në hetimin e një sërë abuzimesh me fondet ndihmëse për Covid 19.

Tre të fundit janë nga Azia. Srbuhi Galyan, Ministrja e Drejtësisë së Armenisë. Një tjetër grua, këtë here nga Azerbajxhani. Ajo është gazetare dhe ish e dënuar politike, Sevinj Vagifgizi. Kampioni i fundit për luftën kundër korrupsionit dhënë nga DASH është Didar Smagulov nga Kazakistan, që udhëheq një organizatë jofitimprurëse për çështjet e korrupsionit.

LEXONI GJITHASHTU:

• “Je krijesa më e shpifur që kam njohur”- Dëshmon në GJKKO Dumani, përplasje në gjyq
• Opinioni i Komisionit të Venecias për mandatin e Xhaçkës, reagon Spiropali