Ministrja Manastirliu kundër deputetes Zhupa: Ke dhënë shembull të keq për fëmijët

Është zhvilluar këtë të enjte në Kuvend interplenca me Ministren e Arsimit, Ogerta Manastirliun, kërkesë e cila u paraqit nga opozita.

Gjatë seancës, Manastirliu foli për vrasjen e 14-vjeçarit dhe sigurinë në shkolla.

“Kam folur dhe reaguar për ngjarjen tragjike të 14-vjeçarit që na ka prekur të gjithëve. Gjuha e urrejtjes, fryerja, janë shembulli më i keq që mund ti japim fëmijëve duke nisur nga kjo sallë”, tha ajo.

Manastirliu iu drejtua deputetes së PD, Ina Zhupa duke vënë në dukje se kjo e fundit ka përdorur në foltoren e Kuvendit gjuhën e urrejtjes kundrejt një kolegu.

“Nuk vonuat ta jepnit shembullin tuaj të keq ndaj fëmijëve, prindërve dhe çdo qytetari. Që në seancën e kaluar keni fyer rëndë një koleg të këtij Kuvendi. Interesi yt nuk ishte të merrje informacion mbi ngjarjen e ndodhur apo masat që kemi marrë për sigurinë në shkolla, kishe kërkuar interpelancë urgjente duke përdorur gjuhë fyese. U ngrite të flisje problemin dhe u bëre vetë problemi”, tha Ogerta Manastirliu kundrejt deputetes Zhupa.

Ministrja e Arsimit shtoi gjithashtu se shembulli që përcillet nga këtu, lidhet direkt me edukimin e fëmijëve.

LEXONI GJITHASHTU:

• PD kërkon interpelancë për Becchetin, përplasje në Kuvend mes Bardhit dhe Ballës
• Kuvend| Bardhi: Pse s’është në rend dite kërkesa për interpelancë me Ramën