Punësonin indianë me kontrata fiktive, procedohen penalisht dy persona në Vlorë

Policia e Vlorës ka proceduar penalisht dy shtetas, të dyshuar për përfshirje në një skemë të punësimeve me kontrata fiktive. Shtetasit në fjalë janë D. T., 30 vjeç, banues në Shijak, dhe A. A., 54 vjeç, banues në Durrës.

Sipas informacionit të dhënë nga Drejtoria Vendore e Policisë Vlorë, Seksioni për Hetimin e Krimit Ekonomik dhe Financiar ka referuar materialet përkatëse në Prokurori dhe ka nisur procedimin penal ndaj tyre. Dyshohet se ata, në bashkëpunim me njëri-tjetrin, kanë realizuar punësime me kontrata fiktive për disa shtetas të huaj, konkretisht indianë.

Materialet procedurale janë dorëzuar në Prokurorinë e Vlorës, e cila do të vijojë me hetimet për këtë rast, për të marrë masat e nevojshme.

LEXONI GJITHASHTU:

• 14 vjeç me pistoletë e fishekë në Vlorë, nuk dihet kush ja dha armën të miturit
• Trafikonin ukrainas për t’i përdorur si shpërndarës droge, 4 të arrestuar