Qindra libra në kuti bananesh, Piro Misha: Duhet një Bibliotekë Kombëtare e re

Në këto kuti bananesh ruhet një pjesë e fondit të bibliotekës kombëtare dhe shumë prej veprave gjenden të ngjeshura nëpër rafte.

Ky institucion, një nga më të rëndësishmit e memories kombëtare, prej vitesh vuan nga mungesa e hapësirës, dhe sipas drejtorit Piro Misha, situata sa vjen bëhet më alarmante.

“Ka mal me kuti të librave të rinj që vijnë për ditë. Për librat e rinj janë të detyrueshme 5 kopje por kjo krijon një masë shumë të madhe dhe bëhet i papërballueshme.

Edhe pse aneksi i Bibliotekës po rikonstruktohet, kjo nuk e shpëton dot institucionin nga kjo problematikë. Për Mishën zgjidhje mbetet vetëm ngritja e një godine të re.

“Është një pasuri që kërkon kushte më të mira dhe kjo mund të zgjidhet vetëm me bibliotekën e re, nuk ka zgjidhje tjetër. Duhet një ndërtesë e madhe, dinjitoze. Në të gjitha vendet perëndimore bibliotekat kombëtare janë një nga simbolet e qytetit

Por në Institutin e Monumenteve të Kulturës ekziston një plan projekt për të bërë rikonstruksion në godinë, në vlerën e 8 milion eurove.

“Ne kemi kërkuar ndihmë nga Delegacioni Evropian dhe na është sigurua një fond”, tha Arta Dollani, drejtoreshë e Institutit të Monumenteve.

Ndërkohë plani për ngritjen e një godine të re mbetet ende në nivelin e diskutimeve.