Kurti: Dokumentimi i krimeve të luftës, detyrë morale dhe historike
Kryeministri i Kosovës, Albin Kurti, deklaroi se dokumentimi i krimeve të luftës është një detyrë morale dhe historike për të gjitha gjeneratat në Kosovë. Në prezantimin e raportit 1-vjeçar të Institutit për Krimet e Kryera Gjatë Luftës në Kosovë, Kurti theksoi rëndësinë e këtij dokumentimi për të luftuar mohimin e së vërtetës nga Serbia.
Kurti bëri të ditur se gjatë këtij viti, instituti ka mbledhur rreth 190 metra material arkivor dhe 15 terabajt të dhëna digjitale që përfshijnë video, audio dhe foto që dëshmojnë krimet e kryera gjatë luftës.
Drejtori i Institutit, Atdhe Hetemi, vlerësoi progresin e bërë pavarësisht vështirësive dhe nënvizoi se deri në vitin 2025 synohet funksionalizimi i plotë i institucionit. Ai përmendi rëndësinë e grumbullimit të dëshmive edhe në shtetet e rajonit.
Në tryezën e prezantimit morën pjesë përfaqësues të institucioneve të ndryshme të Kosovës. Takimi u mbyll me fjalimet e kryeministrit Kurti dhe drejtorit Hetemi.
Instituti për Krimet e Kryera Gjatë Luftës në Kosovë u themelua në nëntor të vitit 2023.
LEXONI GJITHASHTU:
Kryefaqja
Prattipati i bën thirrje Kosovës t’i bashkohet projektit amerikan për gazin
“Këtë verë do të jem në Prishtinë”, publikohet biseda e Dua Lipës me Katy Perry-n, ylli botëror pjesë e Sunny Hill
Vjosa Osmani në Gjilan: Besojmë në punë, rezultate dhe aleancën me ShBA-në
- 22:39 Italia drejt energjisë bërthamore, Dhoma e Deputetëve miraton ligjin, reaktorët e parë gati në vitet 2034-2035
- 22:37 Zelensky: Ju nuk do ta keni Donetskun, dhe ne do të jemi të pavarur
- 22:36 Putin: Një armëpushim nuk është i nevojshëm për negociatat e paqes
- 22:35 11 vende evropiane kërkojnë rregulla më të ashpra të vizave nga BE për qytetarët rusë
- 22:23 Protestuesit marshojnë drejt Sheshit “Skënderbej”, gazetari: U dëgjua për herë të parë thirrja “Rama bashkohu me Veliajn”
- 22:21 “Më shkroi drejtoresha e CNN para se të hyja në studio”, Auron Tare zbulon mesazhin