Mandati i Holta Zaçaj, Kushtetuesja nuk del me vendim, seanca shtyhet sërish

Gjykata Kushtetuese nuk pati as në seancën e sotme një vendimmarrje për fatin e mandatit të Holta Zaçajt.

Përpara seancës së ditës së sotme Holta Zaçaj ka depozituar një kërkesë me shkrim, përmes të cilës ka kërkuar dhënien e një kohe të mjaftueshme për të paraqitur opinionin e saj në lidhje me qëndrimin e mbajtur nga Kryetari i Gjykatës së Lartë sa i përket parimeve kushtetuese dhe mënyrës së interpretimit të dispozitave kushtetuese të zbatueshme në rastin në shqyrtim.

Gjykata, pasi vlerësoi shkaqet e kësaj kërkese, vendosi që ta pranojë atë, duke i lënë kohë, sipas kërkesës, deri ditën e hënë, datë 23.12.2024, ora 10:00, për paraqitjen e një opinioni me shkrim dhe vendosi të shtyjë sërish seancën.

Zaçaj pas një përplasjeje që krijoi me Gjykatën e Lartë mbi afatin e përfundimit të mandatit të saj, vendosi të tërhiqej dhe të bënte hap prapa.

Edhe pse i qëndroi pretendimit se mandati saj përfundon në fund të vitit tjetër, dhe jo në 10 mars, ajo pas debateve të shumta juridike e jo vetëm, vendosi të tërhiqej, ndërsa Gjykata e Lartë ka hapur procedurat për pasuesen e saj, të mërkurën.

Tashmë duhen 5 vota të gjyqtarëve, nga 8 që janë bashkë me të, për të mbyllur këtë kapitull për mandatin e Zaçajt, ndërsa në vijim procedura pritet të ndiqet edhe për dy mandate të tjera, Elsa Toskës, gjyqtares së dorëhqeur dhe gjyqtares Sonila Bejtja.

LEXONI GJITHASHTU:

• Mandati i Holta Zaçaj, Kushtetuesja nuk del me vendim, shtyhet seanca
• Mandati i Kryetares së Gjykatës Kushtetuese, Holta Zaçaj i drejtohet “Venecias”