Kush i ka kërcënuar Prokurorët e SPAK? Eksperti Karamuço jep detajet…

Në deklaratën që dha këtë të enjte, Altin Dumani tha se janë përballur me përpjekjen për t’iu minuar puna e tyre me fyerje, shpifje dhe kërcënime ndaj tyre apo familjarëve.

Për këtë çështje është pyetur eksperti i kriminalistikës, Ervin Karamuço teksa ka dhënë një koment për këto kërcënime ndaj prokurorëve.

“Edhe krimi i organizuar nuk ka ngelur mbrapa. Kemi tre raste të konfirmuara dhe nuk dimë të tjera që mbahen sekret, raste ku janë kërcënuar nga krimi i organizuar. Ky fakt ka rritur masat e sigurisë dhe ka vënë në alram polici të vendeve europiane”, tha eksperti.

Ai gjithashtu u ndal në një rast konkret të kërcënimit që sipas tij, vjen nga krimi i organizuar.

“Mund të them një nga tre rastet që përmenda ku fëmija i një prokurori, ka qenë me shkollim dhe është detyruar trë ndërpresë studimet pasi është ndjerë i kërcënuar nga krimi i organizuar. Edhe pse është marrë në mbrojtje fëmija në fjalë nga policia e vendit përkatës, këta janë në një trysni të madhe, jo vetëm nga retorika e përditshme politike që i sulmon por edhe nga një rrezik real që vje nga ky krim i organizuar”, theksoi Karamuço.

Eksperti u ndal në një tjetër detaj duke theksuar se përtej të gjithave, po zhvillohen kontrolle të zarfave që futen në SPAK pasi mendohet se kanë përmbajtje të rrezkshme.

“Janë rritur masat e sigurisë, po kontrollohen nëpërmjet aparaturave këto kohë edhe zarfat e mëdhenj që hyjnë në SPAK, që kanë fashikuj dhe dosje sepse ekiston mundësia që mund të ketë edhe zarfa me përmbajtje eksplozivi”, u shpreh Ervin Karamuço.

LEXONI GJITHASHTU:

• “33 mijë çështje të pazgjidhura”, Karamuço: SPAK-u s’mund të ndryshojë gjithçka
• Kulluri: Gjyqtarët e prokurorët kanë frikë, kërcënohen nga krimi i organizuar