Rikthehen vizat për Gjeorgjinë, propozimi i KE: Masa ndaj politikanëve e diplomatëve
Komisioni Evropian ka propozuar pezullimin e lëvizjes pa viza për zyrtarët dhe diplomatët gjeorgjianë, si përgjigje ndaj reagimit të dhunshëm ndaj protestuesve që prej javësh kanë mbushur rrugët për të denoncuar devijimin e vendit nga rruga e BE-së nga qeveria vendase.
Demonstratat, aktualisht në ditën e 22-të, nisën nga fundi i nëntorit pasi kryeministri Irakli Kobakhidze njoftoi papritur pezullimin e negociatave të anëtarësimit në BE deri në vitin 2028, pavarësisht se një detyrim nga Kushtetuta i detyron organet shtetërore të marrin të gjitha masat brenda rrezes së kompetencave të tyre për të siguruar integrimin e Gjeorgjisë.
Shtypja e dhunshme e protestuesve pro-evropianë ka çuar në përleshje, arrestime të figurave të opozitës, shumë të plagosur dhe ngritje e akuzave për rrahje dhe tortura në adresë të policisë.
Zemërimi është akumuluar nga parregullsitë që karakterizuan zgjedhjet parlamentare të tetorit, në të cilat kryeministri pro-rus fitoi shumicën.
Më herët gjatë javës, Përfaqësuesja e Lartë e BE-së, Kaja Kallas parashtroi propozimin e parë për të sanksionuar autoritetet gjeorgjiane për dhunën. Por plani i saj u bllokua nga Hungaria dhe Sllovakia që e konsideruan ndërhyrje në punët e brendshme.
Kallas gjithsesi mori mjaftueshëm mbështetje për të pezulluar lëvizjen e lirë për diplomatët gjeorgjianë, gjë që konsiderohet shumë më pak e fuqishme se sanksionet.
Propozimi i bërë të premten kërkon vetëm një shumicë të kualifikuar të shteteve anëtare që të aprovohet, duke u mohuar Hungarisë dhe Sllovakisë të drejtën e vetos.
LEXONI GJITHASHTU:
Humbje diplomatike për Gjermaninë në OKB, Berlini ngre dyshime për ndikimin rus
Macron: Fitorja e Magyar shënon fillimin e një epoke të re në Hungari
Asambleja e Përgjithshme e OKB-së voton 5 anëtarët e rinj jo të përhershëm të Këshillit të Sigurimit
- 09:53 Vrasja e policit në Maliq, reagon ministri i Brendshëm: Dënoj me forcën më të madhe këtë akt kriminal
- 09:44 U plagos në Lozhan të Maliqit, efektivi i ‘Shqiponjave’ niset me helikopter drejt Traumës
- 09:33 Vrasja e policit në Korçë, reagon Rama: Nderim përjetë Dëshmorit të Atdheut
- 09:31 Vrau një polic dhe plagosi një tjetër, del fotoja e autorit të ngjarjes së rëndë në Maliq
- 09:24 Deklaratat antisemite të artistit, Gjykata holandeze i hap rrugën koncerteve të Kanye West
- 09:11 SpaceX drejt ofertës publike fillestare më të madhe në histori, prej 75 miliardë dollarësh