Sulmi rus ndaj ambasadës shqiptare në Kiev, reagon SHBA
Zëdhënësi i Departamentit të Shtetit të Shteteve të Bashkuara, Mattheë Miller, ka dënuar me forcë sulmin me raketa të Rusisë ndaj Kievit, i cili çoi në vdekjen e një civili dhe shkaktoi dëme në ambasadën e Shqipërisë në Ukrainë.
Në një postim në platformën ‘X’, Miller theksoi se Shtetet e Bashkuara e konsiderojnë të papranueshëm sulmin që goditi një ndërtesë ku janë të akredituara misione diplomatike të ndryshme.
“Shtetet e Bashkuara dënojnë sulmin me raketa të Rusisë ndaj Kievit sot që vrau një civil dhe dëmtoi një ndërtesë ku ndidhen disa misione diplomatike, duke përfshirë objektet e partnerëve tanë Shqipërinë, Argjentinën, Çekinë, Malin e Zi, Maqedoninë e Veriut dhe Portugalinë”, shprehet ai.
Ai theksoi se ky sulm është një tjetër akt i papranueshëm i dhunës dhe një shkelje e sigurisë së misioneve diplomatike ndërkombëtare.
“Çdo sulm kundër diplomatëve apo objekteve diplomatike kudo është i papranueshëm. Ne i kujtojmë Rusisë detyrimet e saj sipas ligjit ndërkombëtar, përfshirë Konventën për Parandalimin dhe Ndëshkimin e Krimeve Kundër Personave të Mbrojtur Ndërkombëtarisht”, tha Miller.
LEXONI GJITHASHTU:
Kryefaqja
Erion Braçe del kundër Ramës për Zvërnecin (VIDEO)
SPAK sekuestron vilën në Dhërmi, akuza të reja ndaj Belinda Ballukut
Vrasja e policit gjatë operacionit në Maliq, Lamallari nga Trauma: Hetim i thelluar mbi përgjegjësitë
- 14:43 Kursi i Euros me Lekun bie përsëri, po shkon drejt pragut të 95 lekëve
- 14:39 Treni i mallrave përplaset me një kamion në SHBA, 1 viktimë dhe 1 i plagosur rëndë! 17 vagona dalin nga shinat
- 14:27 11 raste në një javë, disa avionë rusë janë interceptuar në Baltik
- 14:22 11 vende evropiane kërkojnë rregulla më të ashpra të vizave nga BE për qytetarët rusë
- 14:12 Ushtria amerikane sulm ndaj një anije të dyshuar me drogë në Oqeanin Paqësor, dy viktima
- 14:05 Erion Braçe del kundër Ramës për Zvërnecin (VIDEO)