Feruzja për “Real People”: Nuk e lë fshatin Ballagat për qytetin

Feruzja nga Lushnja ka rrëfyer në “Real People” për Euronews Albania se ndihet më mirë në fshatin Ballagat sesa në qytet.

E pyetur nëse ka menduar ndonjëherë të largohet në emigrim, ajo shprehet se e ka përjetuar dhe largimit jashtë vendit, më saktë në Greqi.

“Kam qenë në Greqi, kam punuar 6 muaj andej dhe 6 muaj këtu. Punoja me perime, me serë. Në 2019 erdhë përsëri në këtë vend për vjelje. Në Greqi ika sepse në atë kohë kisha marrë kredi për shtëpinë dhe duhej shlyer deri në një afat të caktuar. Më mirë paguhem dhe fitoj të biznesi im sesa në Greqi edhe pse shteti jonë nuk më ka mbështetur për asgjë, nuk ka pasur ndërhyrje.

Feruzja shton gjithashtu se do vazhdojë në biznesin që kanë krijuar në fshat derisa të dalë në pension.

“Do punoj derisa të dal në pension se unë jam 56-vjeçe. Nuk jam penduar që jam marrë më punë të tilla, ndoshta nmë përpara sa i përket profesionit kisha qef mësuese të isha por nga kushtet që erdhën nuk kisha mundësi dot ta vazhdoja”, tha Feruzja nga Lushnja.

LEXONI GJITHASHTU:

• Feruzja, ekonomistja që sot jeton mes gjelave rrëfehet në “Real People”
• Aksident me vdekje në aksin Lushnjë-Rrogozhinë, makina përplas këmbësorin